🌳 Toshloq mahallasida "Mening bog‘im" loyihasi doirasida amalga oshirilayotgan ishlar o‘rganildi

Xalq deputatlari O‘rta Chirchiq tumani Kengashi deputati G.Mirbabayeva, kotibiyat bosh mutaxassisi Sh.Sidikovalar tomonidan O‘zbekiston Respublikasi Vazirlar Mahkamasining 2025-yildagi 156-sonli qarori bilan tasdiqlangan "Mening bog‘im" loyihasi ijrosi yuzasidan Toshloq mahallasida amalga oshirilayotgan ishlar joyiga chiqib o‘rganildi.

O‘rganish davomida mahalla hududida "Yashil makon" tamoyillari asosida barpo etilayotgan yashil hududning tashkil etilishi, ko‘chat ekish uchun ajratilgan maydonlarning holati, sug‘orish tizimi, obodonlashtirish ishlari hamda loyiha ijrosining belgilangan talablarga muvofiq olib borilishi ko‘zdan kechirildi.

Shuningdek, hududni ko‘kalamzorlashtirish, ekologik muhitni yaxshilash, aholi, ayniqsa yoshlarning mazmunli hordiq chiqarishi uchun qulay yashil maskan yaratish borasida amalga oshirilayotgan ishlar yuzasidan mas'ullar bilan fikr almashildi.

✅Xalq deputatlari O'rta Chirchiq tuman Kengashi kotibiyati axborot xizmati!