🔵Xalq deputatlari Nurobod tumani Kengashi deputati B.Sanayev tomonidan tumandagi Jarquduq mahallasida joylashgan 22-sonli davlat maktabgacha ta’lim tashkilotida o‘rganish ishlari olib borildi.

🎤O‘rganish jarayonida muassasada tarbiyalanuvchilar uchun yaratilgan shart-sharoitlar, oziq-ovqat ta’minoti, gigiyena talablariga rioya etilishi hamda xodimlarning mehnat faoliyati ko‘zdan kechirildi. Shuningdek, muassasa faoliyatini yanada samarali tashkil etish yuzasidan mas’ullarga tegishli tavsiyalar berildi.

Bundan tashqari, deputat tomonidan muassasa xodimlariga O‘zbekiston Respublikasining 2025 yil 3 fevralda qabul qilingan “Oziq-ovqat xavfsizligi to‘g‘risida”gi O‘RQ–1023-sonli Qonunining mazmun-mohiyati yuzasidan tushuntirish ishlari olib borildi. Unda aholini sifatli va xavfsiz oziq-ovqat mahsulotlari bilan ta’minlash, sanitariya va xavfsizlik talablariga qat’iy rioya qilishning ahamiyati haqida atroflicha ma’lumot berildi.

✅Bu kabi o‘rganishlar maktabgacha ta’lim muassasalarida sog‘lom va xavfsiz muhitni ta’minlash, shuningdek, ta’lim sifatini yanada oshirishga xizmat qiladi.