Joriy yilning 6 aprel kuni Xalq deputatlari Sardoba tumani Kengashi bosh mutaxassislari L.Tashquvvatov hamda deputati J.Umarovlar tomonidan nogironligi bo‘lgan fuqarolarning bandligini ta’minlash holatini joyiga chiqib o‘rganish ishlari amalga oshirildi. Mazkur o‘rganish jarayonida fuqarolarning ish bilan ta’minlanganlik darajasi, mehnat sharoitlari, yaratilgan imkoniyatlar va mavjud muammolar atroflicha tahlil qilindi.

O‘rganishlar shuni ko‘rsatdiki, tumanda nogironligi bo‘lgan shaxslarni qo‘llab-quvvatlash, ularni jamiyatda faol ishtirok etishini ta’minlash hamda munosib ish o‘rinlari bilan band qilish borasida muayyan ishlar amalga oshirilmoqda. Xususan, korxona va tashkilotlarda ular uchun moslashtirilgan ish joylari yaratilgani, ayrim fuqarolar kasb-hunarga o‘qitilib, doimiy ish bilan ta’minlangani o'rganildi.