Oltinchi chaqiriq Xalq deputatlari Farg‘ona tuman Kengashining navbatdan tashkari 69-sessiyasi bo‘lib o‘tdi. 23.02.2023-yil kuni Farg‘ona tuman hokimligining majlislar zalida tuman Kengashining navbatdan tashkari 69-sessiyasi bo‘lib o‘tdi. Sessiyani tuman Kengashi raisi X.T.Inomov olib bordi. Sessiyada sektor rahbari, masalaga daxldor korxona-tashkilot rahbarlari, mahalla xotin-qizlar faollari ishtirok etdilar. Sessiya kun tartibidagi asosiy masala 4-bosqich Ayollar daftariga ro‘yxatga olish masalasi bo‘yicha oila va xotin-qizlar bo‘limi boshlig‘i N.Karimovning axboroti tinglanib, bir hafta muddatda 4-bosqich Ayollar daftariga kiritilayotgan xotin-qizlarning to‘liq ro‘yxati, ular bilan amalga oshirilishi rejalashtirilgan "Yul xarita"si va ko‘rsatiladigan amaliy yordamlar prognozi bo‘yicha to‘liq ma’lumot berilishi yuzasidan topshiriq berildi. Xalq deputatlari Farg‘ona tuman Kengashining “Yoshlar siyosati, xotin-qizlar va gender tenglik masalalari bo‘yicha” doimiy komissiyaning “Farg‘ona tumanida uy-joyga muxtoj xotin-qizlarni uy-joy bilan ta’minlash, og‘ir ijtimoiy sharoitga tushib qolgan fuqarolarni yashash sharoitlarini yaxshilash to‘g‘risida”gi so‘rovi to‘g‘risidagi axboroti eshitilib, O‘zbekiston Respublikasi Vazirlar Mahkamasining 2021-yil 6-dekabrdagi 737-sonli qaroriga muvofiq uy-joyga muxtoj xotin-qizlarga uy-joy sotib olish uchun 24.0 (yigirma to‘rt million) mln.so‘m miqdorda boshlang‘ich badal Respublika byudjetidan to‘lanishi belgilangan. Ushbu qaror ijrosi bo‘yicha tumanning Birdamlik MFY hududida istiqomat qiluvchi, ijtimoiy og‘ir sharoitidagi F.Ergashevaga yordam ko‘rsatilishi yuzasidan qaror loyihasi bir ovozdan tasdiqlandi. Sessiyada O‘zbekiston Respublikasi Prezidentining Farg‘ona tumandagi Xalq qabulxonasi mudiri A.I.Xasanov, fermerlar kengashi raisi O.Xoliqovlarning axborotlari eshitilib, tegishli karorlar kabul kilindi. Sessiya kun tartibiga qo‘shimcha ravishda Farg‘ona tuman prokurori adliya maslahatchisi B.I.Boboqulovning tumanda qonuniylik holati va jinoyatchilik ahvoli haqidagi axboroti to‘g‘risidagi masala kiritilib, deputatlar tomonidan tasdiqlandi. Sessiya kun tartibidagi masalalar yuzasidan tuman Kengashi deputatlari O.Dadajonova, N.Isakov, F.Mirzayev, M.Yuldashev, O.Madumarov, A.Erkaboyev, A.Eminov, B.Rayimovlar o‘zlarini qiziqtirgan masalalar bo‘yicha savollar va taklif berildi. Kun tartibidagi masalalar bo‘yicha qarorlar tasdiqlanib, qabul qilindi. Farg‘ona tuman Kengashi kotibiyati