Nikohlanuvchi yoshlar bilan targ‘ibot darsi tashkil etildi

Tuman Kengashi deputati B.Baxovadinov hamda tuman FHDYO bo‘limi hodimi bilan hamkorligida nikohlanuvchi yoshlar ishtirokida targ‘ibot-tushuntirish darsi tashkil etildi. 

Dars davomida deputat tomonidan bugungi kunda jamiyatda oilaning o‘rni va ahamiyati, yoshlarning o‘zaro hurmat va mas’uliyat asosida hayot qurishi zarurligi haqida so‘z yuritildi. Shuningdek, ortiqcha sarf-xarajatlarga yo‘l qo‘ymaslik, to‘y marosimlarini milliy qadriyatlarimizga mos, kamtarona va mazmunli tarzda tashkil etish bo‘yicha tavsiyalar berildi.

FHDYO bo‘limi hodimi esa nikohni qonuniy rasmiylashtirish tartibi, er-xotinlarning huquq va majburiyatlari, oilaviy nizolar kelib chiqishining asosiy sabablari hamda ularni bartaraf etish yo‘llari haqida batafsil tushuntirish berdi. Ajrimlarning oldini olishda o‘zaro muloqot, sabr-toqat va murosaning muhim o‘rin tutishi alohida ta’kidlandi.

✅️Xalq deputatlari O‘rta Chirchiq tuman Kengashi!