Yig’ilish davomida mahallada obodonlashtirish va sanitariya sohasida bajarilgan amaliy ishlar, yo‘llar va piyodalar yo‘laklari ta’mirlanganligi, yashil hududlar kengaytirilib, manzarali daraxtlar butalganligi va oqlanganligi haqida ma’lumot berildi.

Obodonlashtirish ishlari doirasida “Bek To‘pi” va “Al-Xorazmiy” mahallalari hududida jami 21 400 m² yer maydoni yovvoyi o‘t va xazon-qog‘ozlardan tozalandi. 8500 metr uzunlikdagi ariq va latoklar chiqindilardan tozalanib, suv o‘tkazish qobiliyati tiklandi. Shu bilan birga, 3400 dan ortiq daraxtlar butaldi, oqlandi va agrotexnik parvarishdan o‘tkazildi.

Qish mavsumiga tayyorgarlik ishlarining borishi muhokama qilindi. Mahalladagi mavjud muammolar- issiqlik tizimlaridagi nosozliklar, liftlarning ishlamasligi, chiqindilarni to‘g‘ri tashlash madaniyati va xazon yig‘ish tizimining yo‘qligi kabi masalalar ko‘tarildi. Mazkur masalalarni bartaraf etish yuzasidan chora-tadbirlar belgilandi.