Ishtixon tumanida “Yangi hayot uchun, Yangi O‘zbekiston uchun!” shiori ostida “Gulobod” va“Mirishkor” mahallalari aholisi uchun “Mahallada duv-duv gap” ma’naviy-ma’rifiy va madaniy-musiqiy tadbir o‘tkazildi. Tadbirda Xalq deputatlari Ishtixon tuman Kengashi deputatlari K.Yavkochdiyev va E.Berdiyev, tuman 2-sektor kotibi A.Ruziyev, O‘zbekiston yozuvchilar uyushmasi a’zosi shoira Mavluda Ro‘ziyeva, tuman hokimining maslahatchisi O.Tojixonov, imom xatib va tuman Madaniyat bo‘limi vakillari, nuroniylar, yoshlar hamda mahalla aholisi ishtirok etishdi. Tadbirda so‘zga chiqqanlar Yangi O‘zbekistonni bunyod etish yo‘lida amalga oshirilayotgan keng ko‘lamli islohotlar, erishilayotgan yutuqlar to‘g‘risida hayotiy misollar bilan tushunchalar berdi. Shuningdek, jamoatchilik faollari, nuroniylar, ijodkorlar o‘z fikr va mulohazalarini bildirishdi.