Xalq deputatlari Jondor tumani Kengashiga 3-Romish saylov okrugidan saylangan deputat R.Bozorova hamda tuman Kengashi kotibiyati bosh mutaxassisi R.Murojov hamkorligida Jondor tumani “Oqtepa” mahallasida xotin-qizlar faoli tomonidan amalga oshirilayotgan ishlar samaradorligi o‘rganildi.
📌O‘rganish davomida mahallada xotin-qizlarni ijtimoiy qo‘llab-quvvatlash, ularning bandligini ta’minlash, kasb-hunarga yo‘naltirish, tadbirkorlikka jalb etish, oilalarda ijtimoiy-ma’naviy muhitni mustahkamlash hamda muammoli holatdagi xotin-qizlar bilan manzilli ishlash borasida amalga oshirilayotgan chora-tadbirlar tahlil qilindi.
📌Shuningdek, “Ayollar daftari”ga kiritilgan xotin-qizlar bilan ishlash holati, ularning murojaatlarini o‘z vaqtida ko‘rib chiqish, huquqiy, psixologik va ijtimoiy ko‘mak ko‘rsatish ishlarining tashkil etilishi yuzasidan mas’ullar bilan fikr almashildi.
📌O‘rganish jarayonida aniqlangan ayrim kamchiliklarni bartaraf etish, xotin-qizlar muammolarini tizimli hal etish, ularning bandligi va daromad manbaini oshirishga qaratilgan amaliy choralarni kuchaytirish bo‘yicha tegishli tavsiyalar berildi.
📌Ta’kidlanganidek, mahallada xotin-qizlar manfaatlarini ta’minlash, ularning ijtimoiy faolligini oshirish hamda munosib turmush sharoitini yaratish yuzasidan olib borilayotgan ishlar ustidan doimiy deputatlik nazorati davom ettiriladi.