🔹Xalq deputatlari Marg‘ilon shahar Kengashi 11-Alisher Navoiy okrugi deputati N.Akbarova, «Nuroniy» jamg‘armasi Marg‘ilon shahar bo‘limi raisi S.Toshpo‘latovlar Marg‘ilon shahrining Ahmad Yassaviy mahallasida bo‘lib, mahalla yettiligi bilan uchrashdi hamda hududdagi ijtimoiy ahamiyatga ega oilalar holatini o‘rgandi.

🔹Tashrif davomida deputat mahalla nuroniylari, faollari bilan suhbatlashib, aholining dolzarb masalalari, kambag‘allikni qisqartirish, bandlikni ta’minlash va ijtimoiy qo‘llab-quvvatlash yo‘nalishida amalga oshirilayotgan ishlar bilan yaqindan tanishdi.

🔹Shuningdek, ijtimoiy himoyaga muhtoj oilalar xonadonlariga kirib borildi, ularning muammo va ehtiyojlari tinglanib, hal etilishi lozim bo‘lgan masalalar yuzasidan mas’ullarga tegishli topshiriqlar berildi.

🔹Uchrashuv yakunida mahallada aholi farovonligini ta’minlash, yoshlar va xotin-qizlar uchun yangi imkoniyatlar yaratish bo‘yicha kelgusi reja va vazifalar ham belgilab olindi.