Joriy yilning 28- noyabr kuni Navoiy shahrida “Senator va yoshlar” uchrashuvi bo‘lib o‘tdi.Uchrashuvda Senatning Byudjet va iqtisodiy masalalar qo‘mitasi raisi o‘rinbosari Q.Tursunov, “NKMK” AJ Boshqaruvi raisi – Bosh
direktori, Senatning Sud-huquq masalalari va korrupsiyaga qarshi kurashish qo‘mitasi aʼzosi Q.Sanaqulov, Senatning Yoshlar, xotin-qizlar, madaniyat va sport masalalari qo‘mitasi aʼzosi A.Tumishova, Yoshlar parlamenti aʼzolari,
viloyatimizdagi korxona va tashkilotlarda faoliyat olib borayotgan yoshlar hamda oliy taʼlim muassasasi talabalari qatnashdi. Uchrashuvning asosiy maqsadi yoshlarda davlat siyosatining mazmun-mohiyati, amalga oshirilayotgan islohotlarning ustuvor yo‘nalishlari, imkoniyat va qo‘llab-quvvatlash mexanizmlari borasida to‘laqonli tasavvur hosil
qilish, ularning fikr-mulohazalarini eshitish hamda tashabbuslarini qo‘llab-quvvatlashdan iborat bo‘ldi. Tadbir davomida senatorlar tomonidan yoshlarni qiziqtirgan savollarga javoblar berildi.