Xalq deputatlari Boyovut tumani Kengashi 13-Ozodlik saylov okrugidan deputat Shayimova Xalnisa Yakubovna "Ozodlik" mahallasidagi saylovchilar bilan uchrashdi hamda ularning muammolarini joyida o‘rgandi.

Uchrashuv davomida "Zulfiya" ko‘chasida istiqomat qiluvchi fuqarolar ichimlik suvi sifati pastligi, yo‘l holati og‘irligi (yozda chang, qishda esa loyga aylanishi), qo‘lbola simyog‘ochlarning xavfli holatga kelib qolganini bildirib, yordam so‘rashdi.

Deputat Shayimova Xalnisa Yakubovna mazkur masalalarni bevosita o‘rganib, tegishli tashkilotlarga “Deputatlik so‘rovi” bilan murojaat qilishini va mavjud muammolarni imkon qadar tez fursatda bartaraf etish choralarini ko‘rishini ma’lum qildi.

Fuqarolar deputatga ochiq muloqot va e’tibor uchun minnatdorlik bildirishdi.