Xalq deputatlari Ulug‘nor tumani Kengashi kotibiyati mudiri G.Bobojonova hamda tuman Kengashi deputati A.Shermatovlar Xalq deputatlari tuman Kengashining 2026-yil 21-fevral kungi VII-113-15-1-26-K/26-sonli qarori ijrosini ta’minlash va uning amaliy
natijalarini o‘rganish maqsadida tumandagi 13-maktabga tashrif buyurdilar. Mazkur tashrif davomida maktabda tashkil etilgan
“Jasorat xonalari”ning holati, ularni jihozlash ishlari hamda ajratilgan mablag‘larning maqsadli sarflanishi atroflicha o‘rganildi. 

Kengash qaroriga muvofiq, yosh avlodni vatanparvarlik ruhida tarbiyalash, ularda jasorat tuyg‘ularini shakllantirish maqsadida tashkil etilgan “Jasorat xonalari”ni jixozlash uchun mahalliy budjet mablag‘lari hisobidan moliyaviy resurslar ajratilgan. O‘rganish jarayonida deputatlar tomonidan xonalarning jihozlanish darajasi, undagi ko‘rgazmali vositalar, zamonaviy texnik jihozlar mavjudligi ko‘zdan kechirildi. Shuningdek, ajratilgan mablag‘larning maqsadli va samarali sarflanishi ustidan nazorat olib
borildi.