Янги Ўзбекистон қиёфасидаги маҳалла” дастури доирасида 

Юртбошимизнинг тегишли қарорига мувофиқ Янгиқўрғон туманида ҳам “Янги Ўзбекистон қиёфасидаги маҳалла” дастури асосида 3 та маҳаллада ободонлаштириш ва бунёдкорлик ишларини амалга ошириш, ҳудудлар қиёфасини тубдан янгилаш бўйича аниқ вазифалар белгилаб берилган.

Бугун туман ҳокими, халк депутатлари Янгиқўрғон туман Кенгаши депутати А.Нажмиддинов Қораполвон маҳалласида бўлиб, мазкур лойиҳа ижроси юзасидан бажарилаётган ишлар билан яқиндан танишди.

Ҳозирда “Зафар қурилиш сервис” МЧЖ томонидан маҳаллада замонавий кутубхона ҳамда IT марказини ташкил этиш ишлари олиб борилмоқда.

Туман ҳокими, депутат А.Нажмиддинов ушбу жараёнларни кўздан кечириб, қурилиш ишларининг сифати ва муддатларига алоҳида эътибор қаратди.

Ўрганиш давомида йўл бўйларида фаолият юритаётган тадбиркорлар ва маҳалла аҳолиси томонидан ҳудуддаги тартибсизликларни бартараф этиш, хонадонларнинг ташқи кўринишини яхшилаш ҳамда ягона меъморий қиёфани шакллантириш юзасидан масъулларга тегишли кўрсатмалар берилди.