Xalq deputatlari Toshloq tuman Kengashi deputati G.Sobirova tomonidan Soybo'yi mahalla fuqarolar yig‘inida aholi murojaatlariga sabab bo'layotgan ichki yo‘llarni ta’mirlash masalasi joyida o‘rganildi. O‘rganish davomida Xamroh ko‘chasi fuqarolar va transport vositalari ko‘p harakatlanadigan ko‘cha hisoblanib, yo‘lda hosil bo‘lgan notekisliklar sabab, fuqarolar hamda transportlarni harakatlanishida bir qator muammolarni vujudga keltirayotganligi ma’lum bo‘ldi.

Ushbu masalani hal etish maqsadida, tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yilgi manzilli ro‘yxatga Xamroh ko‘chasi kiritilishi masalasida deputat so‘rovi yuborildi.