Xalq deputatlari tuman Kengashi kotibiyati mudiri M.Qoraboyeva 57-oilaviy poliklinikaga qarashli Bo‘stonobod mahalla tibbiy punkti faoliyati bilan yaqindan tanishdi.

O‘rganish ishlari davomida muassasaning bugungi kundagi faoliyati, aholiga ko‘rsatilayotgan birlamchi tibbiy xizmatlar sifati hamda yaratilgan shart-sharoitlar atroflicha ko‘zdan kechirildi. Xususan, O‘zbekiston Respublikasining “Fuqarolar sog‘lig‘ini saqlash to‘g‘risida”gi 265-I-sonli Qonuni ijrosini ta’minlash borasida amalga oshirilayotgan ishlar tahlil qilinib, tibbiy punktda aholiga ko‘rsatilayotgan xizmatlarning sifati, tibbiyot xodimlarining malakasi, bemorlarni qabul qilish tartibi, profilaktika ishlari va patronaj xizmatining yo‘lga qo‘yilganligi o‘rganildi.

Tibbiyot xodimlari bilan o‘tkazilgan ochiq muloqot davomida sohada uchrayotgan muammolar, mavjud kamchiliklar va ularni bartaraf etish bo‘yicha takliflar muhokama qilindi.