Xalq deputatlari Nurobod tumani Kengashi deputatlari tomonidan tumandagi Yuksalish, Nurdum va Mash’al mahallalarida aholini ichimlik suvi bilan ta’minlash holati o‘rganildi.

O‘rganish jarayonida Samarqand viloyat Kengashi deputati A.Muratov, tuman Kengashi raisi Z.Suyarova, tuman Kengashi deputati S.Suyarov hamda O‘zbekiston Liberal-demokratik partiyasi tuman Kengashi apparati xodimi M.Usanovalar ishtirok etdi.

Deputatlar mazkur hududlarda aholini barqaror ichimlik suvi bilan ta’minlash maqsadida yangidan qurilayotgan 2-sonli nasos stansiyasining holati bilan tanishdilar. Qurilish ishlarining borishi, loyihaning ahamiyati hamda uning aholi hayotidagi o‘rni atroflicha ko‘rib chiqildi.

O‘rganish yakunida mas’ullarga tegishli tavsiyalar berildi hamda loyihani o‘z vaqtida va sifatli amalga oshirish zarurligi ta’kidlandi.

✅ Aholini toza ichimlik suvi bilan ta’minlash — ustuvor vazifalardan biri bo‘lib qolmoqda.