✅ Xalıq deputatları Shımbay rayonlıq Keńesi 9-sanlı “Taza jol” saylaw okrugi deputatı A.Sultanbaevtıń "Taza jol" awıl puqaralar jıyınında bolıp, óz saylawshıları menen ushırastı.

 Ushırasıwda dáslep deputat A.Sultanbaev tárepinen Prezidentimizdiń Ózbekstan Respublikası Oliy Májilisi hám de Ózbekstan xalqına jollaǵan Múrájatınıń mazmun-mánisi saylawshılarǵa keńnen túsintirildi. Sonıń menen birge, mámleketimizde ámelge asırılıp atırǵan keń kólemli reformalar, jańadan qabıl etilip atırǵan nızamlar, párman hám qararlardıń mazmun-mánisi haqqında atap ótip, deputat A.Sultanbaev 2025-jıl dawamında óz deputatlıq iskerligi boyınsha saylawshılarǵa esabat berdi.

Ushırasıwda dawamında aymaqta ushırasıp atırǵan mashqalalar boyınsha aymaq turǵınları tárepinen bir qatar múrájatları tıńlandı hám sheshimi deputatlıq qadaǵalawǵa alınıp, tiyisli wazıypalar belgilep alındı.