Qaraqalpaqstan Respublikası Joqarǵı Keńesi deputatı M.Abdirovtıń máhálle jetiligi hám isbilermenler menen ushırasıwı

Qaraqalpaqstan Respublikası Joqarǵı Keńesi deputatı M.Abdirovtıń máhálle jetiligi hám isbilermenler menen ushırasıwı bolıp ótip, onda rayonlıq Keńes deputatları, mákeme, shólkemler wákilleri hám isbilermenler qatnastı. Deputat M.Abdirov tárepinen jergilikli deputatlar hám máhálle wákilleriniń puqaralardıń múrájatları menen islesiwi, jańadan qabıl etilgen qarar, pármanlardıń mazmunı, Qaraqalpaqstan Respublikasında óz isbilermenligin júritip atırǵan isbilermenler ushın berilgen jeńillik hám imkaniyatlar haqqında toqtalıp ótti. Ushırasıwda rayon hákimi orınbasarı-investiciyalar, sanaat hám sawda bólimi baslıǵı A.Erejepov hám sawda-sanaat palatası baslıǵı T.Eshmuratovlar tárepinen isbilermenlerdi qollap-quwatlaw, jeńilletilgen kredit ajıratıw, óz biznes joybarların ámelge asırıwǵa kómeklesiw baǵdarında kórgizbeli maǵlıwmat berildi. Máhálle wákilleriniń deputatlar menen birgelikte aymaqtı social-ekonomikalıq rawajlandırıw baǵdarında birge islesiwi boyınsha wazıypalar belgilendi.