Қарақалпақстан Республикасы Жоқарғы Кеңеси депутаты Алишер Джуманазаров 2025-жылдың I-шерегинде әмелге асырылған жумыслары бойынша есабат бериў ушын өз сайлаўшылары менен ушырасты

52-санлы "Ақманғыт" сайлаў округинен сайланған Қарақалпақстан Республикасы Жоқарғы Кеңеси депутаты Алишер Джуманазаров 2025-жылдың I-шерегинде әмелге асырылған жумыслары бойынша есабат бериў ушын өз сайлаўшылары менен ушырасты.

Оған, Нөкис районы Нураный қоры баслығы Ж.Қайпов, аўыл ҳәм мәкан пуқаралар жыйыны баслықлары, мәҳәлле жетилиги ағзалары ҳәм көше бийлери қатнасты.

Ушрасыўда, депутат Алишер Джуманазаров 2025-жылдың I-шерегинде әмелге асырылған жумыслары бойынша сайлаўшыларға есабат берип, кейинги жылларда мәмлекетимизде әмелге асырылып атырған түпкиликли реформалар, быйылғы «Қоршаған орталықты қорғаў ҳәм «жасыл экономика жылы»нда әмелге асырыў бойынша мәмлекетлик бағдарламада белгилеп берилген тийкарғы ўазыйпалар, елимизди социаллық-экономикалық жақтан раўажландырыў бойынша қабыл етилип атырған пәрман ҳәм қарарлардың мазмун-мәниси ҳаққында айтып өтти.

Буннан соӊ пуқаралардың мүрәжатлары тыӊланып, орынланыўы бойынша депутатлық қадағалаўды әмелге асырыў белгиленип алынды.