Xalq deputatlari Chinoz tumani Kengashi deputati Abdumajid Sadirov saylovchilari bilan uchrashdi

Xalq deputatlari Chinoz tumani Kengashi deputati Abdumajid Sadirov o‘zining saylov okrugiga kiruvchi “Chorvador” mahallasida istiqomat qiluvchi saylovchilar bilan uchrashuv o‘tkazdi.

Uchrashuv davomida deputat tomonidan 2025-yilning birinchi choragi davomida amalga oshirilgan ishlar, xususan, mahalla infratuzilmasini yaxshilash, ijtimoiy muammolarni hal etish va aholi murojaatlarini ko‘rib chiqish borasida qilinayotgan sa’y-harakatlar haqida batafsil axborot berildi.

Shuningdek, uchrashuvda saylovchilar tomonidan ko‘tarilgan dolzarb muammolar va takliflar tinglanib, ularni hal etish bo‘yicha tegishli choralar ko‘rish yuzasidan kelishib olindi.

Deputat Abdumajid Sadirov, saylovchilarning fikr-mulohazalari har doim e’tiborda bo‘lishini ta’kidlab, mahalla aholisi bilan ochiq muloqotlarni davom ettirishini bildirdi.