Xalq deputatlari Ishtixon tumani Kengashining deputati Jamol Mavlyanov saylovchilar bilan ochiq muloqot o‘tkazdi

Xalq deputatlari Ishtixon tumani Kengashi deputati Mavlyanov Jamol o‘z saylovchilari bilan uchrashuv o‘tkazdi. Uchrashuv davomida deputat o‘tgan davr mobaynida amalga oshirgan faoliyati, hal qilingan muammolar, ijtimoiy-iqtisodiy sohalarda erishilgan natijalar va kelgusidagi rejalari haqida atroflicha axborot berdi.

Tadbir davomida fuqarolar tomonidan bildirilgan taklif va muammolar tinglandi. Jumladan, mahalla infratuzilmasini yaxshilash, yo‘l va ichimlik suvi ta’minoti, ijtimoiy yordam masalalari bo‘yicha murojaatlar deputat e’tiboriga havola qilindi.

Deputat Jamol Mavlyanov har bir murojaat alohida nazoratga olinishi va tegishli tashkilotlar bilan hamkorlikda hal etilishi uchun harakat qilinishini bildirdi. Saylovchilar esa o‘z vakiliga ishonch bildirib, faoliyati yuzasidan ijobiy fikrlar bildirdilar.