Deputat axborot berdi

Joriy yilning 12-aprel kuni Xalq deputatlari Parkent tumani Kengashiga 14-Cho`qqayma saylov okrugidan saylangan deputat Dadamatov Faxriddin Janobovich o`zi saylangan okrugidagi “Cho`qqayma”
mahallasidagi saylovchilar bilan uchrashuv o‘tkazdi. Uchrashuvda deputat F.Dadamatov 2025-yilning 1-choragi davomida o‘z faoliyati yuzasidan saylovchilarga axborot berib o`tdi.Shundan so`ng deputat tomonidan uchrashuvda ishtirok etayotgan fuqarolarga, fuqarolar yig‘ini saylovini tashkil etish va o‘tkazish bo‘yicha qonunchilikdagi yangiliklar haqida axborot berildi va “Cho`qqayma” MFY saylovini tashkil etish bo`yicha ishchi guruh bilan gaplashildi. Saylovchilar maxalladagi muammolar yuzasidan savollar, taklif va fikr muloxazalarini bildirdilar, deputat tomonidan savollarga atroflicha tushuntirish berildi.