MUAMMOLARNI OʻRGANISH DEPUTAT EʼTIBORIDA

Xalq deputatlari viloyat Kengashi deputati R.Yusupov Xonqa tumani Durgadik mahallasida fuqarolar qabulini oʻtkazdi.

Qabul jarayonida Xonqa tuman hokimi U.Davlatov, tuman hokimining tegishli sohalar boʻyicha oʻrinbosarlari, mahalla yettiligi, Xalq deputatlari tuman Kengashi kotibiyat mudiri, ushbu okrugdan saylangan deputat, mahalla yettiligi, mahalla faollari, qatnashdilar.

Mahalla fuqarolari tomonidan mahalla hududidan oʻtuvchi yoʻl taʼmirtalab ahvolga kelib qolganligi, shuningdek, ushbu yoʻlda chang toʻzon koʻtarilishi natijasida yoʻlda harakatlanishda muammolar kelib chiqayotganligi boʻyicha bildirilgan murojaat yuzasidan deputat tegishli tashkilotlar bilan hamkorlikda masalaning yechimi yuzasidan oʻrganishlar olib bordi.

Aniqlangan muammoni ijobiy hal qilish maqsadida “Obod qishloq” va “Obod mahalla” Davlat dasturi doirasida mahalla hududidagi 4 kilometr ichki yoʻlni asfalt qilish yoki beton yotqizish boʻyicha qilinishi lozim boʻlgan ishlar nazoratga olindi.