KATTATEPALIK MAHALLASIDA XOTIN-QIZLAR BILAN ISHLASH HOLATI O‘RGANILDI

🏛 Xalq deputatlari Chinoz tumani Kengashining ish rejasiga muvofiq, Kengash kotibiyati mudiri A.Baxromov tomonidan Kattatepalik mahalla fuqarolar yig‘inida xotin-qizlar faoli faoliyati hamda “Ayollar daftari” bilan ishlash holati o‘rganildi.
🔎 O‘rganish davomida xotin-qizlarning ijtimoiy-iqtisodiy ahvolini yaxshilash, bandligini ta’minlash, tadbirkorlikka jalb etish, tibbiy va huquqiy yordam ko‘rsatish hamda ijtimoiy himoyaga muhtoj ayollarni qo‘llab-quvvatlash borasida amalga oshirilayotgan ishlar tahlil qilindi.
📊 “Ayollar daftari” bo‘yicha mavjud holat
Kattatepalik mahallasida jami 109 nafar xotin-qiz “Ayollar daftari”ga kiritilgan bo‘lib, ular quyidagi toifalar bo‘yicha taqsimlangan:
🔹 1-toifa — 57 nafar. Ijtimoiy himoyaga muhtoj, ishsiz xotin-qizlar.
🔹 2-toifa — 3 nafar. Tadbirkorlik faoliyatini boshlash yoki kengaytirishga ehtiyoji bo‘lgan xotin-qizlar.
🔹 3-toifa — 1 nafar. Uy-joy sharoitini yaxshilashga muhtoj xotin-qiz.
🔹 4-toifa — 27 nafar. Tibbiy va psixologik yordamga muhtoj xotin-qizlar.
🔹 5-toifa — 21 nafar. Huquqiy yordamga muhtoj xotin-qizlar.
✅ Amalga oshirilgan ishlar
O‘rganish jarayonida tegishli toifalardagi xotin-qizlarni qo‘llab-quvvatlash yuzasidan quyidagi ishlar amalga oshirilgani ma’lum bo‘ldi:
- 57 nafar ishsiz xotin-qizni qo‘llab-quvvatlash bo‘yicha tegishli ishlar olib borilgan;
- 3 nafar xotin-qizga tadbirkorlik faoliyatini yo‘lga qo‘yish maqsadida kredit mablag‘lari ajratilgan;
- 1 nafar ayolning uy-joyini ta’mirlash uchun zarur qurilish materiallari olib berilgan;
- 27 nafar xotin-qizga tibbiy va psixologik yordam ko‘rsatilgan;
- 21 nafar xotin-qizning huquqiy masalalar yuzasidan murojaatlari bilan ishlangan.
📌 Aniqlangan vazifalar va tavsiyalar
O‘rganish yakunida xotin-qizlarni qo‘llab-quvvatlash ishlarini yanada takomillashtirish, ishsiz ayollarni doimiy daromad manbaiga ega bo‘lishlariga ko‘maklashish, tadbirkorlik qilish istagidagi xotin-qizlarga amaliy yordam ko‘rsatish hamda ajratilgan yordamlarning natijadorligini muntazam monitoring qilib borish zarurligi ta’kidlandi.
Shuningdek, tibbiy, psixologik va huquqiy yordamga muhtoj ayollar bilan manzilli ishlash, oilaviy muammolarning oldini olish hamda mahalla xotin-qizlar faoli faoliyatida individual yondashuvni kuchaytirish yuzasidan tegishli tavsiyalar berildi.
📈 Asosiy maqsad — xotin-qizlarning bandligini ta’minlash, iqtisodiy mustaqilligini mustahkamlash, ijtimoiy himoyaga muhtoj ayollarga manzilli yordam ko‘rsatish va ularning hayot sifatini yaxshilash.
🔎 Deputatlik nazorati doirasida belgilangan vazifalar ijrosi va xotin-qizlarni qo‘llab-quvvatlash borasidagi ishlar monitoring qilib boriladi.