Jol qurılısı jumıslarındaǵı kemshilikler úyreniwge alındı

Xalıq deputatları Bozataw rayonlıq Keńesi sekretariat baslıǵı A. Ibragimov Shımbay rayonı menen, sonday-aq, «Erkindárya» APJniń «Mákke awılı» hám «Kókshiyel» elatın rayon orayı menen baylanıstırıwshı 95V038 avtomobil jolınıń 15 kilometr bólegindegi jaǵdaydı úyrendi.

Úyreniw dawamında jolǵa asfalt tósew jumısları orınlanǵanına qaramastan, jol shetlerine tógilgen topıraq hám tas aralaspasınıń ayırım jerlerde 1–2 metrge shekem kóterilip, tegislenbegen halda qalǵanı anıqlandı.

Bul jaǵday jol qurılısı jumıslarınıń tolıq hám belgilengen texnikalıq talaplarǵa muwapıq orınlanbaǵanlıǵın kórsetip, nátiyjede jol qatnasıwshıları ushın qolaysızlıqlar tuwdırmaqta.

Deputat SH. Berdaxov anıqlanǵan kemshilikler boyınsha tiyisli juwapker mákemelerge deputatlıq soraw jiberiw arqalı máselege rásmiy baha beriliwi, jol shetlerin talabına say tártipke keltiriw hám kemshiliklerdi saplastırıw máselelerin kóteredi.