DEPUTAT TOMONIDAN “UYURCHI DAMKO‘L” MAHALLASIDA O‘RGANISH ISHLARI OLIB BORILDI

Xalq deputatlari Namangan shahar Kengashi deputati Narimon Dehqonov tomonidan Mingbuloq tumani “Uyurchi Damko‘l” mahallasida deputatlik faoliyati doirasida o‘rganish ishlari olib borildi.

O‘rganish davomida mahalladagi mavjud holat, hududni ijtimoiy-iqtisodiy rivojlantirish bilan bog‘liq masalalar hamda aholini qiynayotgan muammolarni aniqlashga e’tibor qaratildi.

Mazkur o‘rganish deputatlik faoliyatining 24-yo‘nalishi — sessiya kun tartibiga kiritiladigan masalalarni, qoida tariqasida, joyiga chiqqan holda o‘rganish tavsiyasi asosida amalga oshirildi.

Shuningdek, O‘zbekiston Respublikasining 1993-yil 2-sentabrdagi 913-XII-sonli “Mahalliy davlat hokimiyati to‘g‘risida”gi Qonunining mazmun-mohiyati yuzasidan huquqiy targ‘ibot olib borildi.