Xalq deputatlari Boyovut tumani Kengashi

Xalq deputatlari Boyovut tumani Kengaşining Agrar, suv xöjaligi masalalari va ekologiya böyiça doimiy komissiyasi yiğilişida Boyovut tumanining 2026-yil kuzgi köçat ekiş mavsumi uçun işlab çiqilgan “Yaşil dastur” loyihasi muhokama qilindi.

🌱 Kun tartibidagi mazkur masala yuzasidan tuman Ekologiya va iqlim özgarişi bölimi boşliği X.Jörabekovning hisoboti tinglandi.

Özbekiston Respublikasi Prezidentining 2026-yil 23-sentabrdagi PF–206-son Farmoni 13-bandining “b” kiçik bandiga muvofiq, tuman hokimliklari tomonidan şakllantiriladigan “Yaşil dastur”lar xalq deputatlari mahalliy Kengaşlarida muhokama qilinişi va tasdiqlanişi belgilangan.
🌿 Muhokamalar davomida “Yaşil dastur” doirasida quyidagi işlarni amalga oşiriş rejalaştirilgani qayd etildi:
🔘 Yangiobod va Tinçlik mahallalarida 0,01 gektardan mahalla mikroörmonlarini taşkil etiş;
🔘 Tinçlik mahallasida “Mening boğim” loyihasi doirasida 0,5 gektar maydonda “Yaşil boğ” barpo etiş;
🔘 Markaz va U. Yusupov mahallalarida jamoatçilik boğlarini taşkil etiş;
🔘 Muqimiy mahallasida 0,5 gektar maydonda soyali sayr köçasini barpo etiş;
🔘 Uçturgon va Ziyokor mahallalarida kompostlaş va mulçalaş işçi nuqtalarini taşkil etiş;
🔘 Uçturgon, Ziyokor, Navröz, Sohil, Markaz va U. Yusupov mahallalarini şox-şabbalarni maydalaş texnikalari bilan ta’minlaş.

Doimiy komissiya a’zolari tomonidan köçat ekiladigan hududlarning tuproq-iqlim şaroitlari, suğoriş imkoniyatlari, ekilgan daraxtlarning yaşovçanligini ta’minlaş, ularni muntazam parvarişlaş hamda ajratilgan maydonlardan samarali foydalaniş masalalariga alohida e’tibor qaratildi.

Şuningdek, kökalamzorlaştiriş tadbirlarida mahalla fuqarolar yiğinlari, mas’ul taşkilotlar va keng jamoatçilik iştirokini kuçaytiriş, mavjud yaşil maydonlarni muhofaza qiliş hamda amalga oşirilayotgan işlar ustidan deputatlik va jamoatçilik nazoratini ta’minlaş muhimligi ta’kidlandi.

📌 Yiğiliş yakunida doimiy komissiya tomonidan Boyovut tumanining 2026-yil kuzgi mavsumi uçun işlab çiqilgan “Yaşil dastur” loyihasi ma’qullanib, uni tasdiqlaş masalasini Xalq deputatlari Boyovut tumani Kengaşining navbatdagi sessiyasi muhokamasiga kiritiş belgilandi.