BALANDCHAQIR MFYDA 2-SONLI DAVLAT MAKTABGACHA TA’LIM TASHKILOTI FAOLIYATI O‘RGANILDI

Bolaning kelajagi uning ilk ta’lim-tarbiyasidan boshlanadi. Maktabgacha ta’lim tashkilotlarida bolalarning intellektual salohiyatini rivojlantirish, odob-axloq ko‘nikmalarini shakllantirish va maktab ta’limiga puxta tayyorlash uchun munosib sharoit yaratish muhim ahamiyatga ega.

Xalq deputatlari Yangiobod tuman Kengashi deputati Z. Abduraimova Balandchaqir MFY hududidagi 2-sonli davlat maktabgacha ta’lim tashkilotida bo‘lib, muassasaning faoliyati hamda ta’lim-tarbiya jarayonlari bilan tanishdi.

Tanishuv davomida mashg‘ulotlarni tashkil etish, bolalarning har tomonlama rivojlanishi uchun yaratilgan sharoitlar, tarbiyaviy ishlarning mazmuni hamda ta’lim-tarbiya jarayonining samaradorligiga e’tibor qaratildi.

Maktabgacha ta’lim tashkilotlarida bolalarning yosh xususiyatlariga mos yondashuvni qo‘llash, ularning qobiliyatlarini rivojlantirish va sog‘lom muhitni ta’minlash kelajak avlod kamolotida muhim o‘rin tutadi.

Maqsad — 2-sonli davlat maktabgacha ta’lim tashkiloti faoliyatiga e’tibor qaratish, bolalar uchun munosib ta’lim-tarbiya sharoitlarini qo‘llab-quvvatlash va maktabgacha ta’lim sifatini oshirishga ko‘maklashish.