#19¹_modda #Ekspert_guruhi #Kengash_Qarori_ijrosi #Oltinsoy_tuman_Kengashi

Xalq deputatlari Oltinsoy tumani Kengashida belgilangan modda talablari hamda Kengash qarorlari ijrosini ta’minlash, shuningdek, ekspertlar guruhi tomonidan olib borilayotgan o‘rganishlar natijalarini atroflicha tahlil qilish maqsadida ishchi yig‘ilish o‘tkazildi.

Yig‘ilishda Xalq deputatlari Surxondaryo viloyati Kengashi deputati A. Oripov, Xalq deputatlari Oltinsoy tumani Kengashi raisi A. Turdiyev, Kengash Kotibiyati mudiri M. Xujanov, Ekspert guruhi a’zolari hamda Kengash Kotibiyatining bosh mutaxassislari A. Esanov va I. Roziqovlar ishtirok etdilar.

Rasm tahlili va muhokama etilgan masalalar:

Hujjatlar tahlili va ekspertiza: Yig‘ilish ishtirokchilari tomonidan Kengash qarorlari ijrosi, normativ-huquqiy hujjatlarning 19¹_modda talablariga mosligi va ekspert guruhi tomonidan tayyorlangan tahliliy ma’lumotnomalar ishchi tartibda ko‘rib chiqildi.

Ijro intizomi va nazorat: Joylarda o‘tkazilgan o‘rganishlar natijasida aniqlangan masalalarni tizimli hal etish, Kengash qarorlari ijrosini sifatli va o‘z vaqtida ta’minlash bo‘yicha aniq vazifalar belgilab olindi.

Muvofiqlashtirish: Viloyat va tuman Kengashi deputatlari hamda Kotibiyat mutaxassislari o‘rtasida o‘zaro hamkorlik va axborot almashinuvini yanada kuchaytirishga kelishib olindi.

Tuman Kengashi qarorlari ijrosini ta’minlash va deputatlik nazoratini samarali tashkil etish borasidagi ishlar izchil davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz