#24_MÁSELE

#DEPUTAT SORAWÍ UNAMLÍ SHESHILDI!

Xalıq deputatları Bozataw rayonlıq Keńesiniń 13-sanlı «Porıltaw» saylaw okrugi deputatı K.Bisanov tárepinen Porıltaw awılındaǵı 10-sanlı mektepke shekemgi bilimlendiriw shólkeminde ishimlik suw támiynatı hám ıssı suw mashqalalarına baylanıslı deputatlıq sorawı jiberilgen edi.

Mashqala boyınsha Bozataw rayonlıq Mektepke shekemgi hám mektep bilimlendiriw bólimi tárepinen úyreniw jumısları alıp barılıp, máselelerdiń tiykarǵı sebepleri anıqlanǵan.

2026-jıl 30-oktyabrdegi rásmiy juwap xatında mektepke shekemgi bilimlendiriw shólkemindegi suw ısıtqısh qurılması (Ariston) islemey qalǵanlıǵı sebepli ıssı suw menen támiyinlewde úzilisler júzege kelgeni, sonıń menen birge ishimlik suw basımınıń tómenlewi menen baylanıslı mashqalalar úyrenilgeni málim etildi.

Bul deputatlıq soraw nátiyjesinde kóterilgen máseleler tiyisli taraw basshılıǵınıń itibarına alınıp, mashqalalardı sheshiw boyınsha ámeliy ilajlar kóriwge tiykar boldı.