🏛 VETERINARIYa SOHASIDAGI IShLAR, MAVJUD MUAMMOLAR VA ChORVAChILIKNI RIVOJLANTIRISh MASALALARI O‘RGANILDI

🏛 VETERINARIYa SOHASIDAGI IShLAR, MAVJUD MUAMMOLAR VA ChORVAChILIKNI RIVOJLANTIRISh MASALALARI O‘RGANILDI

🐄 Xalq deputatlari Kosonsoy tuman Kengashi deputatlari Dilfuza Valieva, Nigoraxon Qodirova va Marhabo Barotovalar tomonidan tuman veterinariya bo‘limida sohada amalga oshirilayotgan ishlar, mavjud muammolar hamda chorvachilik tarmog‘ini rivojlantirishga qaratilgan chora-tadbirlar atroflicha o‘rganildi.

📚 O‘rganish jarayonida O‘zbekiston Respublikasining «Veterinariya to‘g‘risida»gi O‘RQ-397-sonli Qonuni talablariga muvofiq veterinariya xizmatini tashkil etish, hayvonlar orasida yuqumli kasalliklarning oldini olish, veterinariya-profilaktika tadbirlarini o‘z vaqtida o‘tkazish hamda hududda veterinariya osoyishtaligini ta’minlash masalalariga alohida e’tibor qaratildi.

🔎 Shuningdek, deputatlar tomonidan quyidagi yo‘nalishlar yuzasidan o‘rganish ishlari olib borildi:

🔹 Hayvonlar orasida uchrashi mumkin bo‘lgan yuqumli kasalliklarning oldini olish va ularga qarshi profilaktik tadbirlarni amalga oshirish;

🔹 Chorva mollarini belgilangan tartibda veterinariya ko‘rigidan o‘tkazish, kasalliklarni erta aniqlash va davolash ishlarini tashkil etish;

🔹 Aholi va chorvachilik xo‘jaliklariga veterinariya xizmatlarini ko‘rsatish holati, mavjud muammolar va ularning yechimlarini aniqlash;

🔹 Hayvonlardan olinadigan go‘sht, sut va boshqa mahsulotlarning veterinariya-sanitariya xavfsizligini ta’minlash;

🔹 Chorvachilik tarmog‘ini rivojlantirish, chorva mollari mahsuldorligini oshirish va sohada samarali ish usullarini joriy etish masalalari.

📌 O‘rganish davomida veterinariya sohasidagi mavjud muammolarni aniqlash, ularning yechimi bo‘yicha amaliy takliflar ishlab chiqish hamda mas’ul tashkilotlar faoliyatini takomillashtirish muhim vazifalardan biri ekanligi ta’kidlandi.

🤝 Deputatlar soha vakillari bilan muloqotda veterinariya xizmatining samaradorligini oshirish, chorva mollari salomatligini muhofaza qilish, aholi salomatligi va oziq-ovqat xavfsizligini ta’minlash, shuningdek, chorvachilik bilan shug‘ullanuvchi aholi va tadbirkorlarni qo‘llab-quvvatlash masalalariga e’tibor qaratdilar.

✅ Deputatlik nazoratining asosiy maqsadi — qonunlar ijrosini ta’minlash, sohadagi mavjud muammolarni o‘z vaqtida aniqlash va bartaraf etishga ko‘maklashish, aholi manfaatlarini himoya qilish hamda tumanning chorvachilik salohiyatini yanada oshirishdan iborat.

👉 Bizni ijtimoiy tarmoqlarda kuzatib boring!