ҒОВОЗОН МАҲАЛЛАСИДА АСФАЛТЛАШ ИШЛАРИ БОШЛАНДИ

ҒОВОЗОН МАҲАЛЛАСИДА АСФАЛТЛАШ ИШЛАРИ БОШЛАНДИ

Халқ депутатлари Янгиқўрғон тумани Кенгаши депутати Ашуров Алишер Имомович томонидан сайлов округидаги Ғовозон маҳалласида «Ташаббусли бюджет» лойиҳаси доирасида олиб борилаётган асфалтлаш ишлари ўрганилди.
Мазкур лойиҳа асосида Ёшлик, Дўстлик ва Кумушой кўчаларининг жами 3 109 метр қисмига асфалт қопламаси ётқизиш белгиланган. Лойиҳа учун 1 миллиард 647 миллион 770 минг сўм маблағ ажратилган.
Айни пайтда пудратчи — «NAMANGAN MAXSUS INSHOOT QURILISH» МЧЖ томонидан ушбу кўчаларда асфалт қопламасини ётқизиш ишлари бошланди. Депутат жойига чиққан ҳолда бажарилаётган ишлар жараёни билан танишди.
Аҳоли ташаббуси билан рўёбга чиқаётган ушбу лойиҳа маҳалла кўчаларини обод қилиш, пиёдалар ва транспорт воситаларининг ҳаракатланиши учун қулай шароит яратишга хизмат қилади.