DEPUTAT SORAWÍ SHÍǴARÍLDÍ.

Xalıq deputatları Taxtakópir rayonlıq Keńesi sekretariat baslıǵı T.Jusipov tárepinen “Atakól” APJ aymaǵındaǵı “Shámen 2” kóshesine qum aralas sheben (SHPS) tósep beriw boyınsha deputatlıq sorawı jiberilgen edi.
Taxtakópir rayonı Abadanlastırıw basqarması tárepinen másele orınǵa barıp úyrenilip, “Shámen 2” kóshesine qum aralas sheben (SHPS) tósep beriw boyınsha tiyisli juwmaq shıǵarıldı.
Málim etiliwinshe, bul jumıslardı 2027-jılǵı mámleketlik dástúrge kiritiw ushın joqarı turıwshı orınlarǵa usınıs kiritiw rejelestirilgen.
✅ Deputatlıq sorawlar puqaralardıń múrájatlerin úyreniw, olardıń máselelerin tiyisli shólkemler menen birgelikte sheshiw hám aymaqlardaǵı infratuzılmanı jaqsılawǵa qaratılǵan.