#_Haftalik_ish_reja_ijrosi #_deputat_faoliyati #_265_I_sonli_Qonun #_biriktirilgan_tashkilot_faoliyati #_kotibiyat_xodimini_faoliyati Qonun ijrosi — deputat e’tiborida Onalik va bolalikni muhofaza qilish sohasida qonun ijrosi o‘rganildi

#_Haftalik_ish_reja_ijrosi
#_deputat_faoliyati
#_265_I_sonli_Qonun
#_biriktirilgan_tashkilot_faoliyati
#_kotibiyat_xodimini_faoliyati
Qonun ijrosi — deputat e’tiborida
Onalik va bolalikni muhofaza qilish sohasida qonun ijrosi o‘rganildi

Xalq deputatlari Sariosiyo tumani Kengashining 17-Dashnaobod saylov okrugidan saylangan deputati D.Mamadiyeva hamda tuman Kengashi kotibiyati bosh mutaxassisi N.Xamdamova tomonidan Sariosiyo tumani Tibbiyot birlashmasida o‘rganish ishlari olib borildi.
O‘rganishdan asosiy maqsad — tibbiyot birlashmasida aholiga, xususan, xotin-qizlar va bolalarga tibbiy xizmat ko‘rsatish sifati, onalik va bolalikni muhofaza qilish borasida amalga oshirilayotgan ishlar, shuningdek, sog‘liqni saqlash sohasidagi qonunchilik talablarining ijrosini tahlil qilishdan iborat bo‘ldi.
O‘rganish jarayonida Sariosiyo tumani Tibbiyot birlashmasining onalik va bolalikni muhofaza qilish yo‘nalishida O‘zbekiston Respublikasining 1996-yil 29-avgustdagi “Fuqarolar sog‘lig‘ini saqlash to‘g‘risida”gi 265-I-sonli Qonuni talablariga rioya etilishiga alohida e’tibor qaratildi. Mazkur qonun fuqarolarning sog‘liqni saqlash sohasidagi huquqlarini ta’minlash, tibbiy yordamdan foydalanish imkoniyatini kengaytirish hamda profilaktika chora-tadbirlarini ustuvor yo‘nalish sifatida belgilaydi.