DO‘STLIK MFYDA TRANSFORMATORLARNING TEXNIK HOLATI O‘RGANILDI

 Aholini uzluksiz va sifatli elektr energiyasi bilan ta’minlash, elektr tarmoqlarining barqaror ishlashiga erishish hamda kuz-qish mavsumini betalafot o‘tkazish — hududlarda olib borilayotgan ishlarning muhim yo‘nalishlaridan biridir. Bu borada transformatorlarning texnik holati va elektr ta’minoti infratuzilmasining sozligi alohida ahamiyatga ega.

Xalq deputatlari Yangiobod tuman Kengashi deputati Do‘stlik MFY hududida joylashgan transformatorlarning texnik holati bilan tanishdi.

O‘rganish davomida transformatorlarning umumiy texnik holati, elektr uskunalarining sozligi hamda aholiga barqaror elektr energiyasi yetkazib berish bilan bog‘liq masalalarga e’tibor qaratildi. Shuningdek, mavjud infratuzilmani muntazam nazorat qilish va elektr ta’minotida yuzaga kelishi mumkin bo‘lgan uzilishlarning oldini olish muhimligi ta’kidlandi.

Elektr xo‘jaligi obyektlarining texnik holatini doimiy nazorat qilish, aniqlangan kamchiliklarni o‘z vaqtida bartaraf etish hamda mas’ul tashkilotlar bilan hamkorlikni kuchaytirish aholining elektr energiyasiga bo‘lgan ehtiyojini barqaror ta’minlashda muhim o‘rin tutadi.

Maqsad — Do‘stlik MFYda elektr ta’minoti barqarorligini mustahkamlash, mavjud infratuzilmaning ishonchli ishlashiga ko‘maklashish va aholi uchun qulay sharoitlarni ta’minlash.

Deputatlik nazorati — aholi ehtiyojlariga e’tibor va hudud infratuzilmasi barqarorligi yo‘lida!