TEXNIKUM YOTOQXONASIDA YARATILGAN SHAROITLAR VA MAS’ULLAR BILAN MULOQOT

Yoshlar uchun munosib yashash sharoitlarini yaratish — ularning ta’lim olishi, kasbiy rivojlanishi va kelajakka ishonch bilan intilishida muhim ahamiyatga ega.

Shu bois talabalar turar joyidagi sharoitlarni o‘rganish, mavjud masalalarga e’tibor qaratish va ularni hal etishda mas’ullar bilan hamkorlik qilish dolzarb vazifalardan biridir.

Xalq deputatlari Yangiobod tuman Kengashi Kotibiyati mudiri, deputat V. Xasanov Yangiobod tuman texnikumi yotoqxonasidagi sharoitlar bilan tanishib, muassasa mas’ullari bilan suhbatlashdi.

Suhbat davomida yotoqxonada talabalar uchun yaratilgan yashash sharoitlari, tozalik va obodonlashtirish, sanitariya-gigiyena talablariga rioya etish hamda mavjud ehtiyojlar yuzasidan fikr almashildi.

Shuningdek, talabalar uchun qulay va xavfsiz muhitni ta’minlash, mavjud kamchiliklarni o‘z vaqtida bartaraf etish hamda bu boradagi ishlarni mas’uliyat bilan tashkil etish masalalariga e’tibor qaratildi.

Mas’ullar bilan o‘tkazilgan suhbat talabalar turar joyidagi sharoitlarni yanada yaxshilash, yoshlarning ehtiyojlarini inobatga olish va mavjud masalalar yuzasidan tegishli choralarni belgilashda muhim ahamiyat kasb etadi.

Maqsad — texnikum talabalariga munosib yashash sharoitlarini yaratish hamda yoshlar manfaatlarini ta’minlashga qaratilgan ishlarni izchil davom ettirish.