SARMICH MAHALLASIDA KAMBAG‘ALLIKDAN CHIQARISH MASALALARI YUZASIDAN FUQAROLAR BILAN MULOQOT O‘TKAZILDI

Har bir oilaning farovonligi — jamiyat taraqqiyoti va aholi turmush sifatining muhim mezoni. Kambag‘allikni qisqartirish, fuqarolarning bandligini ta’minlash va oilalarning daromad manbalarini kengaytirish uchun har bir xonadonning sharoitini o‘rganish hamda muammolarga manzilli yondashish muhim ahamiyatga ega.

Xalq deputatlari Yangiobod tuman Kengashi raisi, deputat X.Tilakov Sarmich mahallasida bo‘lib, aholini kambag‘allikdan chiqarish masalalari yuzasidan fuqarolar bilan suhbat o‘tkazdi.

Muloqot davomida fuqarolarning turmush sharoiti, mavjud muammolari, ish bilan ta’minlanish ehtiyojlari hamda oilalar daromadini oshirish imkoniyatlariga e’tibor qaratildi.

Kambag‘allikdan chiqarish bo‘yicha samarali natijaga erishish uchun har bir oilaning holatini alohida o‘rganish, mehnat qilish istagidagi fuqarolarga munosib ish topishda ko‘maklashish, kasb-hunarga yo‘naltirish va tadbirkorlik tashabbuslarini qo‘llab-quvvatlash muhimdir.

Fuqarolar bilan bevosita muloqot qilish orqali ularni qiynayotgan masalalarni aniqlash, muammolarni tegishli tashkilotlar bilan hamkorlikda hal etish va har bir oila uchun individual yondashuvni yo‘lga qo‘yish mumkin.

Maqsad — Sarmich mahallasida ehtiyojmand oilalarni qo‘llab-quvvatlash, fuqarolarning bandligi va daromadlarini oshirishga ko‘maklashish hamda kambag‘allikdan chiqarish bo‘yicha manzilli ishlarni kuchaytirish.