Deputat 9 oylik faoliyati yuzasidan saylovchilarga axborot berdi

Xalq deputatlari Termiz shahar Kengashining 23-“Pattakesar” saylov okrugidan saylangan deputati Toji Irgashevich Berdiyev tomonidan joriy yilning to‘qqiz oyi davomida amalga oshirilgan ishlar yuzasidan saylovchilar bilan uchrashuv o‘tkazilib, axborot berildi.

Uchrashuv davomida deputatlik faoliyati doirasida amalga oshirilgan ishlar, saylov okrugi hududida aholini qiynayotgan muammolarni o‘rganish, fuqarolar murojaatlari bilan ishlash hamda ularning qonuniy manfaatlarini himoya qilish borasida olib borilgan ishlar haqida batafsil ma’lumot taqdim etildi.
Shuningdek, hududni ijtimoiy-iqtisodiy rivojlantirish, aholi turmush farovonligini oshirish, mavjud muammolarni tegishli tashkilotlar bilan hamkorlikda hal etish va deputatlik nazoratini samarali tashkil qilish masalalariga alohida e’tibor qaratildi.

Ochiq muloqot davomida saylovchilar o‘zlarini qiziqtirgan savollar, taklif va mulohazalarini bildirdilar. Ko‘tarilgan masalalar yuzasidan fikr almashilib, murojaatlarni o‘rganish va ularning yechimini ta’minlashga doir vazifalar muhokama qilindi.

Uchrashuvda yoshlar ham faol ishtirok etib, o‘zlarini qiziqtirgan masalalar yuzasidan murojaat qildilar. Muloqot jarayonida yoshlarning taklif va tashabbuslarini qo‘llab-quvvatlash, ularning manfaatlarini ta’minlash hamda hududda mavjud muammolarni bartaraf etish masalalari ko‘rib chiqildi.

Saylovchilar tomonidan bildirilgan murojaat va takliflarni belgilangan tartibda o‘rganish, deputat vakolati doirasida ularning hal etilishiga ko‘maklashish hamda tegishli mas’ul tashkilotlar bilan hamkorlikni kuchaytirish muhimligi ta’kidlandi.

Saylovchilar oldida axborot berish — deputatlik faoliyatining ochiqligi va hisobdorligini ta’minlashning muhim shakli. Bunday uchrashuvlar aholi bilan doimiy muloqotni mustahkamlash, fuqarolar manfaatlarini himoya qilish va hududdagi dolzarb masalalarga amaliy yechim topishga xizmat qiladi.