BOJXONA VA AVTOMOBIL YÖLLARI TIZIMIDA MUROJAATLAR BILAN IŞLAŞ HOLATI MUHOKAMA QILINDI

#poytaxtdeputatlari #deputatlik_faoliyati

❗️ BOJXONA VA AVTOMOBIL YÖLLARI TIZIMIDA MUROJAATLAR BILAN IŞLAŞ HOLATI MUHOKAMA QILINDI

🏛 Senatning Mudofaa va xavfsizlik masalalari qömitasi majlisida Avtomobil yöllari qömitasi hamda Bojxona qömitasi tizimida 2025-yil va 2026-yilning 9 oyi davomida fuqarolar murojaatlari bilan işlaş holati atrofliça örganildi. Majlisda Senatning Mudofaa va xavfsizlik masalalari qömitasi a’zosi, Xalq deputatlari Toşkent şahar Kengaşi raisi Rustamxon Kalanov ham iştirok etdi.

🔺 Muhokamada Avtomobil yöllari qömitasi tizimida 1393 qisqa raqamli koll-markaz, “Şaffof yöl” platformasi va elektron axborot tizimlari faoliyati yölga qöyilgani qayd etildi. Rahbariyat tomonidan ötkazilgan 7 ta sayyor qabulda 512 nafar fuqaro iştirok etib, 130 ta murojaatning 107 tasi joyida ijobiy hal etilgan.

📋 Joriy yilning 9 oyida sohaga kelib tuşgan murojaatlar 20 foizga kamayib, ularni qanoatlantiriş körsatkiçi 94,8 foizga yetgan. Şu bilan birga, yöllarni quriş va ta’mirlaş, içki yöllarni asfaltlaş hamda yöl belgilarini örnatiş böyiça 1 028 ta takroriy va 388 ta jamoaviy murojaat qayd etilgani tanqidiy muhokama qilindi.

📉 Bojxona qömitasi tizimida esa “Onlayn maslahatçi”, Call-markaz va raqamlaştirilgan xizmatlar orqali murojaatlarni tezkor körib çiqiş imkoniyatlari kengaytirilgan. Hisobot davrida kelib tuşgan 2 647 ta murojaatning 1 879 tasi ijobiy hal etilib, 737 tasi böyiça huquqiy tuşuntirişlar berilgan.

♻️ Biroq bojxona nazorati va rasmiylaştiruvi, bojxona tölovlaridan imtiyoz oliş hamda kadrlar masalalariga oid murojaatlar muntazam takrorlanayotgani körsatib ötildi.

🗣 Majlisda murojaatlarni şunçaki röyxatga oliş bilan çeklanmasdan, ularni keltirib çiqarayotgan sabablarni joyida örganiş, takroriy murojaatlarning oldini oliş, ijro muddatlariga qat’iy rioya etiş va mas’ul rahbarlarning şaxsiy javobgarligini kuçaytiriş zarurligi ta’kidlandi.

📁 Muhokamalar yakunida fuqarolar va tadbirkorlik subyektlari kötarayotgan muammolarni öz vaqtida va töliq hal etiş, aniqlangan kamçiliklarni bartaraf qiliş hamda parlament nazoratini kuçaytirişga qaratilgan Qömitaning tegişli qarori qabul qilindi.

📱 Telegram 📱 Instagram 📱 Facebook 📱 YouTube 🔎 E-kengash