#Sessiyada mahalliy budjet ijrosi muhokama qilindi

Xalq deputatlari tuman Kengashining 26-sessiyasida "joriy yil 9 oyligi davomida mahalliy budjet daromadlari va xarajatlari ijrosi to‘g‘risida"gi masala muhokama qilindi.

Sessiya kun tartibiga muvofiq, mas’ul tashkilot vakilining mahalliy budjetning 2026-yil 9 oylik ijrosi yuzasidan hisoboti tinglandi. Unda budjet daromadlari tushumlari, mablag‘larning belgilangan yo‘nalishlar bo‘yicha sarflanishi hamda hududni ijtimoiy-iqtisodiy rivojlantirishga qaratilgan tadbirlarning moliyalashtirilishi yuzasidan ma’lumotlar taqdim etildi.

Muhokama yakunida mahalliy budjet ijrosini ta’minlash, budjet mablag‘laridan foydalanish samaradorligini oshirish hamda belgilangan vazifalar ijrosi yuzasidan tegishli qaror qabul qilindi.