4-SONLI MAKTABDA TA’LIM-TARBIYA JARAYONLARI HOLATI O‘RGANILDI

Ta’lim sifati — kelajak taraqqiyotining mustahkam poydevori. Yosh avlodga puxta bilim berish, ularni milliy va umuminsoniy qadriyatlar ruhida tarbiyalash hamda o‘quvchilar uchun munosib ta’lim muhitini yaratish bugungi kunning muhim vazifalaridan biridir.

Xalq deputatlari Yangiobod tuman Kengashi deputati A. Isroilov 4-sonli umumiy o‘rta ta’lim maktabida bo‘lib, ta’lim-tarbiya jarayonlarining tashkil etilishi bilan tanishdi.

O‘rganish davomida dars mashg‘ulotlarining tashkil etilishi, o‘quvchilarning bilim olishi uchun yaratilgan sharoitlar, pedagoglarning faoliyati hamda tarbiyaviy ishlarning olib borilishiga oid masalalarga e’tibor qaratildi.

Maktabda ta’lim sifatini oshirish, o‘quvchilarning bilim va ko‘nikmalarini mustahkamlash, ularning darslarga bo‘lgan qiziqishini kuchaytirish hamda yoshlarni vatanparvarlik, mas’uliyat va odob-axloq ruhida tarbiyalash muhim ahamiyat kasb etadi.

Maqsad — maktabda ta’lim-tarbiya sifatini oshirish, o‘quvchilar uchun munosib sharoitlarni qo‘llab-quvvatlash va yosh avlodning har tomonlama kamol topishiga ko‘maklashish.