SOVOT QFYDA “SHUKRONA” OILAVIY NODAVLAT MAKTABGACHA TA’LIM TASHKILOTI FAOLIYATI O‘RGANILDI

Barkamol avlod tarbiyasi maktabgacha ta’limdan boshlanadi. Bolalarning sog‘lom, bilimli va ma’nan yetuk bo‘lib voyaga yetishida maktabgacha ta’lim tashkilotlarining o‘rni beqiyos. Shu bois ta’lim-tarbiya sifati, bolalar uchun yaratilgan sharoitlar hamda ta’lim jarayonining tashkil etilishi doimiy e’tiborni talab etadi.

Xalq deputatlari Yangiobod tuman Kengashi deputati A. Isroilov Sovot QFYda faoliyat yuritayotgan “Shukrona” oilaviy nodavlat maktabgacha ta’lim tashkiloti faoliyati bilan tanishdi.

O‘rganish davomida tashkilot faoliyatini yo‘lga qo‘yish, bolalarning ta’lim-tarbiya olishi uchun yaratilgan sharoitlar, mashg‘ulotlarning tashkil etilishi hamda maktabgacha ta’lim xizmatlari sifatiga oid masalalarga e’tibor qaratildi.

Maktabgacha ta’lim tashkilotlarida bolalar xavfsizligini ta’minlash, sanitariya-gigiyena talablariga rioya etish, tarbiyalanuvchilar uchun qulay muhit yaratish va ta’lim-tarbiya jarayonini samarali tashkil etish muhim ahamiyatga ega.

Hududlarda faoliyat yuritayotgan maktabgacha ta’lim tashkilotlarini o‘rganish orqali mavjud sharoitlarni baholash, dolzarb masalalarni aniqlash va zarur hollarda ularni hal etish yuzasidan tegishli tashkilotlar bilan hamkorlik qilish imkoniyati yaratiladi.

Maqsad — Sovot QFYda maktabgacha ta’lim xizmatlari sifatini oshirish, bolalar uchun munosib ta’lim-tarbiya muhitini qo‘llab-quvvatlash hamda sohadagi masalalarga deputatlik nazorati doirasida e’tibor qaratish.

Bugungi sifatli ta’lim — ertangi taraqqiyot poydevori!