ИҚТИДОРГА ЭЪТИБОР — КЕЛАЖАККА ИШОНЧ

ИҚТИДОРГА ЭЪТИБОР — КЕЛАЖАККА ИШОНЧ
Янгиқўрғон туманидаги 20-сонли умумтаълим мактабида навбатдаги «Биз гиёҳвандликка қаршимиз!» шиори остида ижтимоий челленж ташкил этилди.
Тадбирда Халқ депутатлари Янгиқўрғон тумани Кенгаши депутати, туман ҳокими Асадулла Нажмиддинов иштирок этиб, иқтидорли ўқувчиларнинг ютуқларини эътироф этди.
Жумладан, математика фанидан республика олимпиадасида муваффақиятли иштирок этиб, Австралияда ўтказиладиган халқаро олимпиадада қатнашиш ҳуқуқини қўлга киритган М.Аҳмаджонова, Ж.Зокиржонов ҳамда Б.Ёқубжонов рағбатлантирилди.
Шунингдек, француз тили, қўл жанги ва бошқа йўналишларда юқори натижаларга эришган ўқувчиларнинг ютуқлари алоҳида қайд этилди. Мактабнинг тасвирий санъат фани ўқитувчиси, «Халқ таълими аълочиси» кўкрак нишони соҳиби Д.Пўлатовнинг таълим соҳасидаги меҳнати эътироф этилди.
Учрашувда ёшларни соғлом турмуш тарзига ундаш, зарарли иллатлардан асраш ҳамда илм-фан ва спортга қизиқишини кучайтиришга алоҳида эътибор қаратилди.
Ёшларнинг ҳар бир ютуғи — юртимиз келажаги учун мустаҳкам пойдевор. Уларнинг интилишларини қўллаб-қувватлаш эса барчамизнинг муҳим вазифамиздир.