TUMAN TIBBIYOT BIRLASHMASIDA KUZ-QISH MAVSUMIGA TAYYORGARLIK HOLATI O‘RGANILDI

Aholi salomatligini muhofaza qilish, tibbiy xizmatlarning uzluksizligini ta’minlash va bemorlar uchun qulay sharoit yaratish har qanday mavsumda, ayniqsa, kuz-qish davrida muhim ahamiyat kasb etadi. Sovuq kunlarda tibbiyot muassasalarining barqaror faoliyat yuritishi, isitish tizimlarining sozligi va zarur sharoitlarning mavjudligi bemorlarga sifatli tibbiy yordam ko‘rsatishning muhim omillaridan biridir.

Xalq deputatlari Yangiobod tuman Kengashi kotibiyati mudiri, deputat V. Xasanov tomonidan tuman tibbiyot birlashmasida kuz-qish mavsumiga tayyorgarlik holati o‘rganildi.

O‘rganish davomida tibbiyot birlashmasining kuz-qish mavsumida uzluksiz faoliyat yuritishi uchun zarur sharoitlar, isitish tizimlarining holati, elektr energiyasi va boshqa muhim resurslar bilan ta’minlanganlik, shuningdek, bemorlar hamda tibbiyot xodimlari uchun yaratilgan sharoitlarga e’tibor qaratildi.
Tibbiyot muassasalarida mavsumiy tayyorgarlikni o‘z vaqtida ta’minlash, mavjud kamchiliklarni barvaqt aniqlash va bartaraf etish, zarur jihozlar hamda muhandislik tizimlarining sozligini nazorat qilish dolzarb vazifalardan hisoblanadi.

Kuz-qish mavsumida tibbiyot muassasalarining uzluksiz ishlashi, bemorlarni qabul qilish va ularga zarur tibbiy yordam ko‘rsatishda uzilishlarga yo‘l qo‘ymaslik alohida mas’uliyat talab etadi. Shu bois mavsumga tayyorgarlik masalalarini doimiy nazoratda tutish va mas’ul tashkilotlar bilan hamkorlikni kuchaytirish muhimdir.

Maqsad — tuman tibbiyot birlashmasining kuz-qish mavsumida barqaror faoliyat yuritishini ta’minlash, bemorlar uchun zarur sharoitlarni yaratish va aholiga ko‘rsatiladigan tibbiy xizmatlar uzluksizligiga ko‘maklashish.