TADBIRKORLAR BILAN OCHIQ MULOQOT O‘TKAZILDI.

Unda Sardoba tumani hokimi deputat Z.Karimov, “Agrobank” ATB Sirdaryo viloyati boshqarmasi boshlig‘i o'rinbosari Sh. Xo'jamqulov hamda Adliya bo‘limi boshlig‘i I.Yunusov ishtirok etdi.Ochiq muloqot davomida tadbirkorlarning faoliyati, ularni qiynayotgan masalalar, mavjud imkoniyatlar va kelgusidagi rejalari muhokama qilindi.
Bildirilgan murojaat va takliflar yuzasidan tegishli fikrlar almashilib, mavjud muammolarni hal etish bo‘yicha zarur tavsiyalar berildi. Bunday uchrashuvlar tadbirkorlikni rivojlantirish, ishbilarmonlarni qo‘llab-quvvatlash, ularning tashabbuslarini ro‘yobga chiqarish hamda hududda ishbilarmonlik muhitini yanada yaxshilashda muhim ahamiyat kasb etadi