“UCHQUN” MAHALLASIDA PROFILAKTIKA INSPEKTORI FAOLIYATI O‘RGANILDI

Xalq deputatlari Namangan shahar Kengashi deputati N. Ubaydullayev tomonidan Namangan shahridagi “Uchqun” mahalla fuqarolar yig‘inida profilaktika inspektorining faoliyati bilan tanishildi.

O‘rganish davomida mahallada jamoat tartibini saqlash, huquqbuzarliklarning oldini olish, fuqarolar xavfsizligini ta’minlash hamda aholi bilan profilaktik tadbirlarni tashkil etish masalalariga e’tibor qaratildi.

Shuningdek, profilaktika inspektorining mahalla yettiligi va boshqa mas’ul tashkilotlar bilan hamkorligi, hududdagi mavjud muammolarni aniqlash hamda ularning oldini olishga qaratilgan chora-tadbirlar yuzasidan fikr almashildi.

⚖️ Huquqiy targ‘ibot doirasida quyidagi qonun hujjatlarining mazmun-mohiyati o‘rganildi:

▪️ O‘zbekiston Respublikasining 2014-yil 14-maydagi O‘RQ-371-son “Huquqbuzarliklar profilaktikasi to‘g‘risida”gi Qonuni — huquqbuzarliklarning oldini olish, profilaktika subyektlarining vazifalari va o‘zaro hamkorligi yuzasidan.

▪️ O‘zbekiston Respublikasining 2016-yil 16-sentabrdagi O‘RQ-407-son “Ichki ishlar organlari to‘g‘risida”gi Qonuni — ichki ishlar organlarining asosiy vazifalari, jamoat tartibini saqlash va fuqarolar xavfsizligini ta’minlash masalalari yuzasidan.

📋 Deputatlik faoliyatining 24 ta tavsiyasiga muvofiq:

▪️ Mahallada huquqbuzarliklarning oldini olish bo‘yicha amalga oshirilayotgan ishlarni o‘rganish.

▪️ Profilaktika inspektorining aholi va mahalla yettiligi bilan hamkorligini tahlil qilish.

▪️ Fuqarolar xavfsizligini ta’minlash va jamoat tartibini mustahkamlash masalalariga e’tibor qaratish.

▪️ Aniqlangan muammolar yuzasidan tegishli takliflar ishlab chiqish va ularning yechimini deputatlik nazorati doirasida kuzatib borish.

📍 Maqsad — mahallada osoyishtalik va jamoat xavfsizligini ta’minlash, huquqbuzarliklarning barvaqt oldini olish hamda aholi bilan profilaktik ishlar samaradorligini oshirish.