HAVOTOG‘ QFYDA ICHKI YO‘LLAR HOLATI DEPUTATLIK NAZORATI OSTIDA

Ravon yo‘l — aholi uchun qulaylik, xavfsiz harakatlanish va hudud obodligining muhim mezoni. Ichki ko‘chalardagi asfalt qoplamasini saqlash, ta’mirtalab qismlarni aniqlash va mavjud muammolarni o‘z vaqtida bartaraf etish alohida e’tibor talab qiladi.

Xalq deputatlari Yangiobod tuman Kengashi deputati E. Qobulov Havotog‘ QFYda ichki ko‘chalarning asfalt qoplamasi holati bilan tanishdi.

O‘rganish jarayonida yo‘l qoplamasining holatini baholash, ta’mirlashga ehtiyoj mavjud uchastkalarni aniqlash va transport hamda piyodalar harakati uchun qulay sharoitlarni ta’minlash masalalariga e’tibor qaratildi.

Muammolarni hal etish yuzasidan ta’mirtalab ko‘chalarni manzilli ro‘yxatga olish, zarur ta’mirlash ishlarini rejalashtirish, mas’ul tashkilotlar bilan hamkorlikda ularning ijrosini ta’minlash hamda bajarilgan ishlar sifatini nazorat qilish muhimligi qayd etildi.

Maqsad — Havotog‘ QFY ichki ko‘chalarida harakatlanish qulayligini yaxshilash va aholi uchun xavfsiz, ravon yo‘llarni ta’minlash.