13-maktabda kuz-qish mavsumiga tayyorgarlik holati o‘rganildi

Deputatlik o‘rganishi davomida Chilonzor mahallasida joylashgan 13-maktabning kuz-qish mavsumiga tayyorgarlik holati ham ko‘zdan kechirildi.

Ma’lumotlarga ko‘ra, bugungi kunda maktabda 952 nafar o‘quvchi tahsil olmoqda. Ta’lim muassasasi 955 o‘quvchi o‘rniga mo‘ljallangan.

O‘rganish jarayonida maktabning kuz-qish mavsumini betalafot o‘tkazishga tayyorgarligi, xususan, isitish tizimi faoliyati va yoqilg‘i zaxirasi holatiga e’tibor qaratildi. Mavsumga tayyorgarlik doirasida maktabga ko‘mir yetkazib keltirilgani ma’lum qilindi.

Deputatlik o‘rganishining asosiy maqsadi — ta’lim muassasasida qish mavsumida o‘quvchilar va pedagoglar uchun munosib harorat sharoitini ta’minlash, mavjud tayyorgarlik holatini baholash hamda ehtimoliy muammolarning oldini olishdan iborat.