#Jaslar_máslahat_toparı

Rayonda málimleme texnologiyaları tarawına qızıǵıwshı jaslar ushın "Málimleme texnologiyalarında jasalma intellekt hám startaplar" atamasında shólkemlestirilgen seminar-treninge Jaslar másláhát toparı aǵzaları da belsene qatnastı.
Seminarda jasalma intellekt texnologiyalarınıń zamanagóy imkaniyatları, olardıń hár qıylı tarawlarda qollanılıwı, sonday-aq, startap joybarların islep shıǵıw hám rawajlandırıw boyınsha túsinikler berildi.
Jaslar másláhát toparı aǵzaları seminar-trening dawamında berilgen maǵlıwmatlar menen tanısıp, jasalma intellekt texnologiyalarınıń ámeliy áhmiyeti, olardan oqıw procesinde hám keleshektegi kásiplik iskerlikte paydalanıw imkaniyatları boyınsha óz qızıǵıwshılıqların hám pikirlerin bildirdi.
Bunday ilajlar Jaslar másláhát toparı aǵzalarınıń zamanagóy bilim hám texnologiyalarǵa bolǵan qızıǵıwshılıǵın arttırıw, olardıń baslamaların qollap-quwatlaw, jańa ideyaların rawajlandırıw hám jaslar arasında innovaciyalıq mádeniyattı qáliplestiriwde áhmiyetli orın tutadı.