XOTIN-QIZLAR HUQUQLARI VA ULARNI ZO‘RAVONLIKDAN HIMOYA QILISH MASALALARI KO‘RIB CHIQILDI

Xalq deputatlari Namangan shahar Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishida “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi hamda “Xotin-qizlarni tazyiq va zo‘ravonlikdan himoya qilish to‘g‘risida”gi qonunlarning Namangan shahrida ijro etilishi yuzasidan Namangan shahar hokimining o‘rinbosari D. Abduraximovaning hisoboti eshitildi.

Yig‘ilish davomida xotin-qizlar va erkaklar uchun teng huquq hamda imkoniyatlarni ta’minlash, xotin-qizlarni tazyiq va zo‘ravonlikdan himoya qilish, shuningdek, ushbu yo‘nalishlarda amalga oshirilayotgan ishlar va mavjud muammolar masalalariga e’tibor qaratildi.

Shuningdek, qonun hujjatlarida belgilangan vazifalar ijrosini ta’minlash, xotin-qizlarning huquq va qonuniy manfaatlarini himoya qilish hamda zo‘ravonlikning oldini olishga qaratilgan chora-tadbirlar samaradorligini oshirish masalalari muhokama qilindi.

⚖️ Huquqiy targ‘ibot doirasida quyidagi qonunlarning mazmun-mohiyati o‘rganildi:

▪️ O‘zbekiston Respublikasining 2019-yil 2-sentabrdagi O‘RQ-562-son “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni.

▪️ O‘zbekiston Respublikasining 2019-yil 2-sentabrdagi O‘RQ-561-son “Xotin-qizlarni tazyiq va zo‘ravonlikdan himoya qilish to‘g‘risida”gi Qonuni.

📋 Doimiy komissiya faoliyati doirasida quyidagi yo‘nalishlarga e’tibor qaratildi:

▪️ Xotin-qizlar va erkaklar uchun teng huquq hamda imkoniyatlarni ta’minlash.

▪️ Xotin-qizlarni tazyiq va zo‘ravonlikdan himoya qilish mexanizmlarini takomillashtirish.

▪️ Huquqbuzarlik va zo‘ravonlik holatlarining oldini olish bo‘yicha profilaktik ishlarni kuchaytirish.

▪️ Qonun hujjatlarida belgilangan vazifalar ijrosini o‘rganish va aniqlangan muammolar yuzasidan takliflar ishlab chiqish.

📍 Maqsad — xotin-qizlarning huquq va qonuniy manfaatlarini himoya qilish, jamiyatda teng huquq va imkoniyatlarni ta’minlash hamda tazyiq va zo‘ravonlikning oldini olishga qaratilgan ishlar samaradorligini oshirish.